How to recite the Holy Rosary in Amharic

በስመ አብ ወወልድ ወመንፈስ ቅዱስ አሐዱ አምላክ አሜን። (በቀኝ እጅህ ግንባርህን፣ ደረትህን፣ የግራና የቀኝ ትከሻህን በመዳሰስ የመስቀል ምልክት አድርግ።)

ሁሉን በሚችል ሰማይንና ምድርን በፈጠረ በእግዚአብሔር አብ አምናለሁ ፤ የአብ አንድ ልጅ በሆነው በጌታችን በኢየሱስ ክርስቶስም አምናለሁ ፤ እርሱ በመንፈስ ቅዱስ ተፀንሶ ፤ ከድንግል ማርያም ተወለደ ፤ በጴንጤናዊው ጲላጦስ ዘመን ተሠቃየ ፤ ተሰቀለ ፤ ሞተ ፤ ተቀበረ ፤ ወደ ሲኦል ወረደ ፤ በሦስተኛው ቀን ከሙታን ተነሣ ፤ ወደ ሰማይ ዐረገ ፤ ሁሉን በሚችል በእግዚአብሔር አብ ቀኝ ተቀመጠ ፤ ያሉትንና የሞቱትን ሊፈርድ ዳግመኛ ይመጣል ፤ በመንፈስ ቅዱስም አምናለሁ ፤ የሁሉም በሆነችው በቅድስት ካቶሊካዊት ቤተ ክርስቲያን ፤ በቅዱሳንም አንድነት አምናለሁ ፤ በኃጢአት ሥርየት ፤ በሙታን ትንሣኤ ፤ በዘላለም ሕይወት አምናለሁ ፤ አሜን።

በሰማይ የምትኖር አባታችን ሆይ ፤ ስምህ ይመስገን ፤ መንግሥትህ ይምጣ ፤ ፈቃድህ በሰማይ እንደሆነ ፤ እንዲሁም በምድር ይሁን ። የዕለት እንጀራችንን ዛሬ ስጠን ፤ እኛ የበደሉንን ይቅር እንደምንል ፤ በደላችንን ይቅር በልልን ፤ ከክፉ ሁሉ ሰውረን እንጂ ፤ ወደ ፈተና አታግባን ። አሜን።

ጸጋ የሞላሽ ማርያም ሆይ ሰላም ላንቺ ይሁን ፤ እግዚአብሔር ከአንቺ ጋር ነው ፤ ከሴቶች ሁሉ የተባረክሽ ነሽ ፤ የሆድሽም ፍሬ ኢየሱስ የተባረከ ነው ። ቅድስት ማርያም ያምላክ እናት ፤ ለምኚልን ለእኛ ለኃጢአተኞች ፤ አሁንም በሞታችንም ጊዜ ። አሜን።

ለአብና ለወልድ ለመንፈስ ቅዱስም ምስጋና ይሁን ፤ አሁንም ዘወትርም ለዘለዓለሙ ። አሜን።

ጌታ ኢየሱስ ክርስቶስ ሆይ ፡ በደላችንን ይቅር በለን ፤ ከገሃነም እሳት ሰውረን ፤ ሁሉን ነፍሳትንና በተለይም የአንተ ምሕረት የሚያስፈልጋቸውን ሁሉ ወደ መንግሥተ ሰማይ ውሰዳቸው ። ጌታ አምላካችን ሆይ ፡ በአንተ እናምናለን ፤ እንሰግድልሃለን ፤ እንወድሃለን ፤ በአንተም ተስፋ እናደርጋለን ፤ ለማያምኑህ ፡ ለማይሰግዱልህ ፡ ለማይወዱህና በአንተም ተስፋ ለማያደርጉ ሁሉ ምሕረትህን ታደርግላቸው ዘንድ እንለምንሃለን ። አሜን።

ኦ ንግሥት ሆይ ሰላም ላንቺ ይሁን ፤ የሕይወታችን ፤ የተስፋችን ጥዕምት የሆንሽ የምሕረት እናት ሆይ ፤ እኛ በጭንቀት ያለን የሔዋን ልጆች በዚህ በለቅሶ ቆላ በሐዘን እያቃሰትን እያለቀስን ፤ እንማጠንሻለን ። በጸጋ የተሞላሽ ጠበቃችን ሆይ ፤ በምሕረት ዓይኖችሽ ተመልከችን ። ከዚህ ዓለም ስደት በኋላ የሆድሽን ብሩክ ፍሬ ኢየሱስን አሳዪን ። ኦ ርኅርኅት ፤ ኦ አፍቃሪ እናት ፤ ኦ ጥዕምት ድንግል ማርያም ። አሜን።